7-й день 2024г

11.06.24 ж Астана қаласының өрт сөндіру бөлімі 75 мектеп-гимназиясының жазғы демалыс лагерь оқушыларына танымдық экскурсия ұйымдастырды.
Балаларға жауынгерлік киім, өрт-техникалық қару-жарақ көрсетілді. Өрт сөндіру бөлімінің қарамағында бар өрт сөндіру көліктері, олардың қалай жұмыс істейтіні, немен жабдықталғаны толық түсіндірілді. Оқушылармен электр құралдарын пайдалану кезінде өрт қауіпсіздігі ережелерін, қыс мезгілінде су айдындарындағы қауіпсіздік ережелерін сақтау бойынша нұсқаулық өткізілді, улы және табиғи газбен улану белгілері туралы айтылды.
Құтқарушылардың өскелең ұрпақпен қарым-қатынасы достық атмосферада өтті. Оқушылар өрт сөндірушілерді үлкен қызығушылықпен тыңдап, өздерін қызықтырған сұрақтарын қойды. Өрт сөндіру автокөлігінің өртті сөндіруге арналған үлкен арсеналы бар екендігі түсіндірілді!
Мектеп мұғалімдері мен оқушылары өрт сөндірушілерге қонақжайлылығы мен жылы қабылдауы үшін алғыс білдірді.